Wednesday, May 8, 2013

သင်္ဘောသားရင်ဖွင့်သံ (၅)... Seamen's Voice-5


အလုပ်ရှာနေသောသင်္ဘောသားများအတွက် ကျွန်တော့်ရဲ့မတောက်တခေါက်အတွေ့အကြုံလေးများ

ဆရာဦးဝင်းအောင်ရေး ထားတဲ့ဆောင်းပါးကကယ်ကောင်းပါတယ်၊ အဲဒိဆောင်းပါးကိုဖတ်ပီးတော့ ကျွန်တော့်အတွေ့အကြုံလေးတွေကိုဝေမျှချင်လို့အခုလိုရေးဖြစ်တာပါ၊ အရင်ကဒီလိုစာတခါမှမရေးဖူးပါဘူး အဲဒါကြောင့်အမှားပါရင်ခွင့်လွှတ်ပါလို့ကြိုတောင်းပန်ပါတယ်။အလုပ်မရသေးတဲ့ကျွန်တော့်လိုလူငယ်တွေကိုအားပေးချင်လို့ပါ ကျွန်တော်ကcd 37ကပါ။ကျွန်တော်ကျောင်းပီးတော့အလုပ်ရဖို့ ၁နှစ်တိတိစောင့်ခဲ့ရပါတယ် ကျောင်းမှာလဲ ၂နှစ်တက်ခဲ့ရပါတယ် ကျောင်းစရိတ်ဘယ်လောက်ကုန်ခဲ့လဲဆိုတာတော့ မပြောတော့ပါဘူး ရေကြောင်းကျောင်းသားတွေအားလုံးသိပါတယ် ပြောရင်ကြွားတယ်ထင်နေမှာစိုးလို့မပြောတော့ပါဘူး တော်တော်ကုန်ခဲ့ပါတယ် အလုပ်ရဖို့လဲ volunteerကို၆လတိတိ တစ်ပြားမှမရပဲဆင်းခဲ့ရပါတယ် ရိုက်ကြေးလဲ၁၉သိန်းပေးခဲ့ရပါတယ် ကျွန်တော်ပြောချင်တာက အခုမှသင်္ဘောတက်ဖို့လုပ်နေတဲ့ ကျွန်တော့လိုလူငယ်တွေ ဇွဲမလျှော့ပါနဲ့ အပေါ်ကဆရာပြောသလိုပဲ ကိုလိုနေတယ်ထင်တဲ့အရာတွေကိုပြည့်အောင်ဖြည့်ထားကြပါ အခွင့်အရေးကြုံလာရင်အဆင်သင့်ဖြစ်အောင်ပါ ပီးတော့သင်္ဘောမလိုက်ရလို့လဲ အားမငယ်ပါနဲ့ ကိုယ်နဲ့အဆင်ပြေမဲ့အလုပ်ကိုရှာလို့ရပါသေးတယ်။ဘာလို့လဲဆိုတော့လူတိုင်းသင်္ဘောပေါ်မှာမပျော်ကြပါဘူး ပျော်တဲ့သူရှိတယ် မပျော်တဲ့သူရှိတယ် ပိုက်ဆံရတာတစ်ခုထဲကိုပဲမြင်လို့မရပါဘူး
ကျွန်တော်ကအခုonboardပါ seatimeကလဲတစ်နှစ်ကျော်ကျော် လေးပဲရှိပါသေးတယ် လူသစ်တွေမှအလုပ်ရှာရခက်တာမဟုတ်ပါဘူး ကျွန်တော့်နဲ့အပတ်စဉ်တူ seatime1နှစ်ရှိပီးသားလူတွေလဲ အခုရန်ကုန်မှာအလုပ်ရှာရခက်နေပါတယ်တဲ့ သူတို့ကကျွန်တော့်ထက် အရင်သင်္ဘောပေါ်တက်သွားကြတဲ့သူတွေပါ အဲဒိအချိန်တုန်းက သူများတွေတက်ပီးကိုယ်မတက်ရသေးလို့ အားငယ်သလိုလိုရှိပေမဲ့ ကျွန်တော်အားမငယ်အောင်ကြိုးစားခဲ့ပါတယ် ကျွန်တော်လှည်းတန်းက ဦးဝင်းနိုင်သင်တန်းမှာ englishစာသင်တန်း တက်ခဲ့ပါတယ် အခုတော့ကျွန်တော့်englishစာက အတော်ကြီးမဟုတ်တောင် တော်တော်လေးအဆင်ပြေနေပါပီ ။ ကျွန်တော်စဉ်းစားမိတာကကျွန်တော်သာစောစောစီးစီးသင်္ဘောတက်သွားခဲ့ရင် ကျွန်တော်ဒီလောက်ကောင်းတဲ့english သင်တန်းကိုတက်ဖြစ်မှာလဲမဟုတ်ဘူး ကျွန်တော့်englishစာလဲ ကောင်းလာမှာမဟုတ်ဘူး သာမန်သင်္ဘောသားတစ်ယောက်ဖြစ်ဖို့ englishစာကို yes ,no,good ,no good သိရုံလောက်နဲ့ဖြစ်ပါတယ် ဒါပေမဲ့ qualified seaman တစ်ယောက်ဖြစ်ဖို့ qualified officerတစ်ယောက်ဖြစ်ဖို့ ဆိုရင်တော့ english စာအကျွမ်းအကျင်ကြီးမဟုတ်တောင် တော်တော်လေးသိဖို့လိုပါတယ် အဲဒိတော့အလုပ်ရှာ လို့မရသေးတဲ့လူငယ်တွေအနေနဲ့ english စာကို လေ့လာကြပါလို့တိုက်တွန်းချင်ပါတယ် သင်္ဘောမလိုက်ဖြစ်ရင်တောင်ဘ၀အတွက်အရမ်းအသုံးဝင်ပါတယ် နောက်ပီးကျွန်တော့် အမြင်ကတော့အစိုးရရဲ့ သင်္ဘောသားပေါ်ထားတဲ့ပေါ်လစီကြောင့်လဲပါမယ်လို့ထင်တယ်ဗျ အလုပ်အကိုင်အပြည့်အ၀မပေးနိုင်ပဲနဲ့ cdc တွေ passport တွေကို အလွယ်တကူချပေးနေတာက quality ရော quantity ရောလုံးဝ controlမလုပ်ရာကျပါတယ်။အလုပ်အကိုင်ပေးနိုင်ရင်တော့တစ်မျိုးပေါ့။အခုတော့ သင်္ဘောသားလုပ်ချင်တဲ့လူငယ် တွေလဲပိုက်ဆံတွေကုန် seatimeလေးတစ်နှစ်လောက်ရှိတဲ့ကျွန်တော်တိုလိုကောင်တွေလဲ အလုပ်ရှာရခက် အကုန်လုံးဒုက္ခရောက်ကုန်ကြတော့တာပေါ့။ ကျွန်တော်ပြောချင်တဲ့ qualityက စာတွေတက်ဖို့ကိုပြောတာမဟုတ်ပါဘူး အခြေခံ seaman shipလေး(အများကြီးမဟုတ်ပါဘူး ဘူးလက်သီးလေးပိုင်ပိုင်နိုင်နိုင်ခတ်နိုင်အောင်) တကယ်သင်္ဘောပေါ်မှာ အသုံးဝင်တဲ့ဟာလေးတွေပေါ့ဗျာ အဲဒါလေးတွေကိုတကယ်တတ်အောင်သင်တဲ့သင်တန်းတွေရှိသင့်ပါတယ်။သေသေချာချာလဲသင်သင့်ပါတယ်။ပီးတော့eng လေးပေါ့။ နောက်တစ် ခုအရေးကြီးတာကစိတ်ဓာတ်ကလေးပေါ့ သင်္ဘောပေါ်မှာ teamworkနဲ့လုပ်တာဆိုတော့တစ်ယောက်ခိုရင် အရမ်းသိသာတယ်ဗျ။ စိတ်ဓာတ်ဆိုတာက တတ်ချင်တဲ့စိတ် အလုပ်လုပ်ချင်တဲ့စိတ် အများနဲ့အဆင်ပြေအောင်နေချင်တဲ့စိတ် လေးရှိရင်တော်တော်အဆင်ပြေပီဗျ။ကျွန်တော်လဲသံပြားစနင်းတော့ ဘာမှမသိဘူး။ဒါပေမဲ့ ကျွန်တော်ကသင်ယူလို တဲ့စိတ် အလုပ်လုပ်ချင်တဲ့စိတ်တော့ရှိတယ်ဗျ(အရေးကြီးရင်ကြီးသလိုပေါ့ )ပျင်းတာတော့ပျင်းတတ်တာပေါ့။ အဓိကကသင်္ဘောပေါ်မှာအရေးကြီးတဲ့အချိန်မှာမခိုဖို့ပဲဗျ ကျန်တဲ့အေးအေးဆေးဆေးအချိန်မှာကတော့မီးစင်ကြည့်ကပေါ့ ။ဥပမာ hatch cleaningလိုဟာမျိုးမှာ တစ်နေ့တည်းနဲ့cargoholdငါးပေါက်စလုံးကိုဆေးမဲ့အချိန်မျိုးမှာတစ်ယောက်ခိုရင်အရမ်းသိသာတယ်ဗျလူတွေကလဲပျိုင်းနေပီခိုတဲ့ကောင်ကလဲခိုနေရင်တော့သူတို့ကိုကြည့်ပီးဒေါသလဲထွက်လာ စိတ်ကလဲတိုလာနဲ့လူရော စိတ်ရောပင်ပန်းပါတယ်။ အားလုံးတက်ညီလက်ညီလုပ်သင့်တဲ့အချိန်မှာ တက်ညီလုပ်ညီလုပ်ချင်တဲ့စိတ်ဓာတ်မျိုးရှိရင် အဆင်ပြေပီဗျ သင်္ဘောသားအသစ်တစ်ယောက်အနေနဲ့ အများကြီးကြိုတတ်ဖို့မလိုဘူးးဗျ မသိရင်တာမေးရဲဖို့ ၊မေးတတ်ဖို့၊မေးပီးမှတ်ထားဖို့ပဲလိုတာ။ ပီးတော့နောက်တစ်ချက်ကအလိုက်သိဖို့ဗျ။ အဲဒါအရမ်းအရေးကြီးတယ် အလုပ်မှာရော လူမှုဆက်ဆံရေးမှာရော အရမ်းအရေးကြီးတယ်ဗျ ။ဥပမာ တစ်ယောက်ယောက်ကရေပိုက်နဲ့ရေချနေတယ် ကိုယ်ကပိုက်လိုက်ပေးရမယ်။နောက်ပီးသူဘာလုပ်နေလဲ ကိုယ့်အလုပ် လဲလုပ်ရင်းနဲ့ကြည့်ရတယ် သူဘယ်နေရာမှာအခက်အခဲတွေ့နေလဲ ဘယ်လိုကူညီပေးရမလဲ။သူဘာသာဘာဖြစ်ဖြစ်ဆိုပီးပစ်မထားရဘူး သင်္ဘောအလုပ်ဆိုတာစည်းလုံးမှပျော်စရာကောင်းတာ အလုပ်လဲပီးတယ် ရင်နှီးမှုလဲရတယ်။ နောက်ပီးတော့အမိန့်နာခံမှုကလဲအရေးကြီးတယ်ဗျ။ကျွန်တော်တို့ကျောင်းတုန်းက ဆရာတွေပြောတဲ့စကားတစ်ခွန်းရှိတယ် 'နောက်လိုက်ကောင်းတစ်ယောက်မဖြစ်ပဲနဲ့ ခေါင်းဆောင်ကောင်းတစ်ယောက်မဖြစ်နိုင်ဘူးတဲ့'ဘာခိုင်းခိုင်းလုပ်ရမယ်လို့ဆိုလိုတာမဟုတ်ဘူးနော်ယုတ္တိမရှိတာကြီးခိုင်းရင်တော့ကိုယ့်အတွက်အန္တရာယ်ရှိတာကြီးခိုင်းရင်တော့ငြင်းရမှာပေါ့ ဒါပေမဲ့များသောအားဖြင့် သင်္ဘောအလုပ်ကမလုပ်တတ်ခင်တော့အရမ်းခက်တယ်လို့ထင်ရပေမဲ့တတ်သွားရင်အရမ်းလွယ်ပါတယ် ။ခက်တဲ့အလုပ်တွေလဲရှိပါတယ်။(ဒါပေမဲ့ အဲဒိအရမ်းလွယ်တဲ့ပညာကို ကိုယ်ကအချိုးမပြေရင်ဘယ်တော့မှ ရမှာမဟုတ်ဘူး) တခါတလေအပြင်ပန်းကြည့်ရင်လွယ်တယ်လို့ထင်ရပေမဲ့ကိုယ်တိုင်လုပ်ရင်အရမ်းခက်တဲ့အလုပ်တွေလဲရှိပါတယ်။ အဲဒိတော့အထင်တော့မသေးပါနဲ့(အရမ်းကြီးလဲမကြောက်ပါနဲ့)။ FIRST TIME HAPPENS ONLY ONCE! တဲ့ အဲဒိစကားနဲ့ညီအောင်တော့ကိုယ့်ဘာသာကိုကြိုးစားပေါ့ လုပ်တိုင်းfirst timeလုပ်သလိုမှားပဲမှားမနေအောင်တော့ သေချာမှတ်ရမှာပေါ့။တဖြည်းဖြည်းနဲ့အလုပ်မှာကျွမ်းကျင်လာပါလိမ့်မယ်။
သင်္ဘောသားအသစ်တွေအနေနဲ့နောက်အရေးကြီးတဲ့တစ်ချက်က ဘုရားတရားလေးလုပ်ဖို့ပဲဗျ။အဲဒါကကျွန်တော့ကိုယ်တွေ့ဗျ ကျွန်တော်ကနယ်ကပါ မိဘကလည်းချမ်းသာလို့ရေကြောင်းတက်ခိုင်းတာမဟုတ်ပါဘူးသူတို့လဲရုန်းကန်ပီးကျွန်တော့်ကျောင်းစရိတ်ကိုရှာပေးတာပါအဲဒါကြောင့်ကျွန်တော်ကျောင်းပီးသွားတော့အလုပ်အရမ်းရချင်ခဲ့ပါတယ် အဲဒါမှာမိဘတွေကိုပြန်ကြည့်နိုင်မှာကို ။အလုပ်ကလဲတော်တော်နဲ့မရနဲ့နောက်တော့ ကျွန်တော်ဘုရားတရားကိုမှန်မှန်လေးလုပ်ဖြစ်တယ်ဗျ ပုတီးလဲစိတ်ဖြစ်တယ်ဗျ(အခုတော့မဟုတ်ဘူးနော် ဟိဟိ/ဘုရားတော့ရှိခိုးပါတယ် ပုတီးမစိတ်ဖြစ်တာကိုပြောတာ) ပီးတော့သစ္စာဗျ အဲဒါကရေလည်အစွမ်းထက်တယ်ဗျ ။ကျွန်တော်က '"ကျွန်တော့်မိဘကိုလုပ်ကျွေးချင်သောသားတစ်ယောက်ဖြစ်ပါတယ် ဤသစ္စာစကားမှန်ကန်ပါက မိဘကိုလုပ်ကျွေးခွင့်အမြန်ဆုံးရပါစေ'"လို့ ကျွန်တော်သစ္စာဆိုခဲ့တာဗျ ။သိပ်မကြာဘူး ကျွန်တော်အလုပ်ရတယ်ဗျ။ ပီးတော့ဘုရားတရားကသင်္ဘောပေါ်မှာ လဲအရေးကြီးပါတယ်။ ကျွန်တော့်ကိုယ်တွေ့ဗျ ကျွန်တော်တို့သင်္ဘောက NewOrleans ,USကနေSoya beanတွေတင်ပီးထွက်လာတာဗျ ပီရူးကိုသွားမှာ။အဲဒိမှာမစ်စစ်စပီ မြစ်ထဲမှာ ကျွန်တော်တို့ကုန်းချုပ်ကသင်္ဘောmain deckပေါ်တွေ hatch coverပေါ်တွေမှာတင်နေတဲ့cargo တွေကိုချက်ချင်းရေချချင်နေတယ်ဗျ။သူက မြစ်ထဲမှာဆိုတော့နေ့ဘက်မလုပ်ရဲဘူး ညဘက်မှာလုပ်ခိုင်းပါလေရော ။နောက်နေ့ဆို cargo တွေကပ်ပီးရေချရခက်ကုန်မှာစိုးလို့တဲ့။ကျွန်တော်ကလဲသင်္ဘောပေါ်ရောက်တာမကြာသေးဘူး တစ်လလောက်ပဲရှိအုံးမယ်။
ညဘက်ကြီး လကလဲမထွက် ဓာတ်မီးတွေနဲ့ hatch coverပေါ်မှာရေတွေထိုးကြရတာ လေကလဲခိုက်ခိုက်တုန်အောင်တိုက်နေတာဗျ လူကလဲမိုးကာဝတ်ထားပေမဲ့ စိုနေပီ လူကလဲအရမ်းချမ်း အလုပ်လုပ်နေရင်းနဲ့ ဘုရားစာတွေရွတ်နေမိတယ် သရဏဂုံသုံးပါးကိုထပ်ခါတလဲလဲရွတ်နေတာ။ ညနေမိုးချုပ်ထဲကလုပ်တာ မနက်မိုးတောင်လင်းခါနီးနေပီ
ကျွန်တော် cargoတွေနဲ့ချောပီး သတိထားနေရင်းနဲ့ hatch cover ပေါ်ကနေ main deckပေါ်ကိုပြုတ်ကျပါလေရော ၇ပေလောက်မြင့်တယ်ဗျ။ ခြေလွတ်လက်လွတ်ကိုပြုတ်ကျတာ အကုန်လုံးလဲပြေးလာကြတာပေါ့ ဘာဖြစ်သွားသေးလဲဝိုင်းမေးကြတာပေါ့ ပထမတော့ကြောက်ပီးတော့ရင်တွေတော်တော်ကိုခုန်နေတာ နောက်တော့ကိုယ့်ကိုကိုပြန်ကြည့်လိုက်တော့ ဘာမှမဖြစ်ဘူးဗျ လက်တော့နည်းနည်းခေါက်သွားတယ် hatch coamingကတန်းနဲ့လဲမရိုက်မိဘူး ထူးထူးဆန်းဆန်းပဲ Bosunကြီးကတောင်အံ့သြနေတာ။အဲဒါသရဏဂုံအစွမ်းဗျ။

ကဲစာလဲတော်တော်ရှည်နေပီ
သင်္ဘောသားလူငယ်တွေအနေနဲ့ဇွဲမလျော့ပါနဲ့
ကိုလိုနေတယ်ထင်တဲ့အရာတွေကိုဖြည့်ဆည်းကြပါ
ဘုရားတရားမြဲကြပါ
ကျွန်တော်တခါမှဒီလိုမရေးဘူးလို့အမှားပါရင်ခွင့်လွှတ်ကြပါ
ကျွန်တော်ရဲ့မတောက်တခေါက်အတွေ့အကြုံလေးတွေကိုဝေမျှရင်းသဘောင်္သားဖြစ်ချင်သောသူများ အလုပ်အမြန်ရပီး သင်္ဘောသားကောင်းများဖြစ်ကြပါစေ
ကျွန်တော်လဲသင်္ဘောသားကောင်းတစ်ယောက်ဖြစ်ဖို့ ကြိုးစားဆဲပါ
CD37 Deck Cadet တစ်ဦး

No comments:

Post a Comment